ब्राउन सुगरसहित बढैयातालका एक जना पक्राउ
बर्दिया,असार २५
लागु औषध ब्राउन सुगरसहित एक जनालाई प्रहरीले पक्राउ गरेको छ । बढैयाताल गाउँपालिका–१ का ३० वर्षीय बिकास हमाललाई प्रहरीले लागु औषधसहित मंगलबार राती पक्राउ गरेको हो । बढैयाताल गाउँपालिका–१ ठुलो डाँफे स्थित भारतबाट नेपालतर्फ आईरहेको अवस्थामा नियन्त्रणमा लिई चेकजाँच गर्दा लागु ब्राउन सुगर फेला परेको जनाईएको छ । हमालको साथबाट १ ग्राम ९ सय ५० मिलिग्राम लागु औषध ब्राउन सुगर जस्तो देखिने खैरो लिगो पदार्थ, नगद रु १ हजार ८ सय ९० र एउटा मोबाईल फेला परेको जिल्ला प्रहरी कार्यालय बर्दियाले जारी गरेको प्रेस विज्ञप्तीमा उल्लेख छ । हमाललाई नियन्त्रणमा लिई आवश्यक अनुसन्धान भईरहेको प्रहरीले जनाएको छ ।
प्रतिक्रिया
सम्बन्धित खवर
असार २५, २०८३ बिहिबार 134 Views
असार २२, २०८३ सोमबार 226 Views
